انت كصاحب متجر أو مشروع وقت بدك تصمم موقع أو تعدل على موقع حالي أو تبني منتج، بتتواصل مع شخص مختص وبصير بيسألك عن الألوان يلي بتعجبك وعن مواقع ترسله ياها بتشبه الفكرة يلي ببالك … وبعد ما ينتهي الموقع ويطلع تحفة فنية وبيعجبك وبتطلقه، المبيعات بتكون شبه معدومة أو قليلة مقارنةً بالمنافسين.

أو حتى وقت تقوم بتعديلات على الموقع أو المشروع، بتلاقي المبيعات انخفضت والتعديل حقق نتائج سلبية.

وهاد هو تأثير الـ HiPPO ومعناه (الشخص الأعلى منصباً او أجراً هو يلي بيتحكم بالقرارات).

وبناءً على احصائيات Harvard Business Review: من 30% إلى 40% من القرارات الاستراتيجية الكبرى التي يتخذها المدراء (بناءً على الاراء الشخصية) يتم التراجع عنها وإلغاؤها خلال 18 شهراً لأنها أثبتت فشلها.

لماذا الـ HiPPO يصيب المدراء وأصحاب المشاريع؟

بسبب تأثير إيكيا - IKEA Effect ومعناه: انحياز معرفي يصف ميل البشر لتقدير المنتجات، المشاريع، أو الأفكار (والتعلق بها بشكل أكبر) لمجرد أنهم شاركوا في صنعها أو تجميعها.

انت كصاحب مشروع أو مدير تنفيذي وقت تشارك بتصميم الموقع او بناء تعديلات جديدة بتتعلق فيها، وفعلاً نتيجة العمل رح تكون مثل ما بدك انت … وهون المشكلة

كيف ممكن حل المشكلة وأبني حلول تحقق أفضل عائد ROI

من خلال الابتعاد عن الاراء والتوقعات والذوق الشخصي … ويكون المعيار الأساسي والوحيد هو العميل.

يتم معرفة احتياجاته، وتوقعاته، وخططه الذهنية، ومخاوفه ومن ثم بناء التعديل أو المنتج او المشروع عليها.

وحتى نعرف هذه نقاط عن المستخدم لازم نقوم بإجراء إختبارات ودراسات وأبحاث على عملائك المثاليين. 

(ما رح أقدر أذكر نوعية الإختبارات والدراسات والأبحاث لأن كل مشروع له أهدافه المختلفة وكل احتياج منقدر نعرفه بنوعية معينة من الأبحاث والدراسات - يلي بقصده انه مافي بحث او اختبار يستخدم في كل الحالات وفي كل المشاريع)

الخلاصة

١- بتبتعد انك تعطي قرارات مبنية على رأيك الشخصي أو توقعاتك

٢- قراراتك لازم تكون مبنية على البيانات (نتيجة الأبحاث والدراسات والإختبارات يلي اجريتها)

٣- " الخبير هو صاحب القرار " إذا معك خبير عم يشتغل بالجزئية فهو يلي بياخد القرار وبكون مسؤول عنه

وتذكر: أنه العميل يلي رح يستخدم المنتج … مو انت